Breudwd Rhyddiaith Gymraeg 1300-1425
English

LlGC Llsgr. Peniarth 33 – tudalen 154

Llyfr Blegywryd

154

tir ẏ|gẏt·etiued megis ẏ|braỽt.
neu ẏ|geuenderỽ. neu ẏ|gẏuerderỽ
gan ẏ|ouẏn trỽẏ ẏr vn kẏt·eti  ̷ ̷+
ued hỽnnỽ a|vai varỽ heb etiued
idaỽ o|e gorff. namẏn gan ẏ|ouẏn
trỽẏ vn o|e rẏeeni a|vu berchen ẏ|r
tir hỽnnỽ hẏt ẏ varỽ A|e tat a|e|hen+
tat. a|e gorhentat Y|tir hỽnnỽ a|ge  ̷+
iff os ef nessaf car ẏ|r marỽ. 
Gvede* ranho brodẏr tref eu tat
ẏrẏdunt. o|r bẏd marỽ vn ohonunt
heb etiued o|e gorff. neu ẏ|gẏt·eti  ̷+
ued hẏt geiuẏn ẏ|brenhin a|ỽẏd e+
tiued o|r tir hỽnnỽ Megẏs ẏ|ma+
e braỽt ẏn etiued dẏlẏedaỽc o tref
ẏ tat. vellẏ ẏ|mae whaer ẏn etiued
dẏlẏedaỽc o|e gwadaỽl. trỽẏ ẏr hỽ  ̷+
nn ẏ|chaffo hi|wr priaỽt dẏlẏedaỽc
o tir nẏt amgen ẏ|gan ẏ|that  ̷ ̷
neu ẏ|gan ẏ|hetiuedẏon o|r tric
ỽrth eu kẏghor. a|e reeni. a|e|chẏte  ̷ ̷+
tiuedẏon Onnẏ bẏd ẏ|berchenna  ̷+
ỽc tir etiued arall namẏn merch.
ẏ verch a|vẏd etiued o|r holl tir