Breudwd Rhyddiaith Gymraeg 1300-1425
English

LlGC Llsgr. Peniarth 33 – tudalen 124

Llyfr Blegywryd

124

tri dẏrchauel idaỽ ẏ|telir  
O |r trewir dẏn ar||benn hẏnnẏ
welher ẏr emenẏd; neu o|r bre+
thir ẏnn|ẏ arch hẏnnẏ del ẏr amẏs+
car ẏ|maes. neu torri asgỽrn mord+
dwẏt dẏn neu asgỽrn ẏ ỽreich.
Dros bop vn o|r rei hẏnnẏ. teir punt
a|telir idaỽ. kannẏs ẏm|peri·gyl o|e
eneit ẏ|bẏd ef o bop vn o|rei hẏnnẏ. ~
Hẏnn a|telir ẏ|r brathedic. ẏ bo reid idaỽ
weith medẏc. gẏt a|e sarhaet. Pede+
ir keinnaỽc dros badell ẏ|wneuthur
medẏginaetheu. pedeir keinnaỽc
dros wer. keinnaỽc dros bỽẏt y|me+
dẏc beunoeth.  keinnaỽc. dros oleuat
beunoeth; a|cheinnaỽc dros vuẏt y
brathedic beunẏd Pedeir keinnaỽc
cota a|telir ẏ|dẏn dros bop ascỽrn vch
creuan a|tẏnher o|e benn. o|r a|seinho
|mẏwn kaỽc evẏd; O bop asgwnn*
is creuan. pedeir keinnaỽc a|geiff
ẏ dẏn herwẏd kẏureith hẏwel da.
K ẏureith a|dẏweit vot ẏn  ̷
vn werth aelodeu pob dẏn