Breudwd Rhyddiaith Gymraeg 1300-1425
English

LlGC Llsgr. Peniarth 32 (Y Llyfr Teg) – tudalen 94

Llyfr Iorwerth

94

y vot yn wyr y|r brenhin. a|r gỽr hỽnnỽ a|ossodes
kyfreitheu yn|yr ynys hon yn gyntaf. a|r kyf+
reitheu a|wnaeth ef a|barhaỽys hyt yn oes
howel da. Howel gỽedy hynny a|wnaeth rei
newyd; ac a diuaaỽd rei dyuynwal. ac ny sym+
mutaỽd howel eissoes messureu y tired yn|yr
ynys hon namyn mal y hedewis dyfynwal.
kanys goreu messur uu. Ef a uessuraỽd yr
ynys honn o penryn blathaon ym|prydein;
hyt ym|penryn penwaed yg|kernyỽ. Sef yỽ
hynny; naỽ cant miỻtir. a hynny yỽ hyt yr
ynys honn. ac o|grugyỻ ym mon hyt yn soram
yg|glan mor|vd; pump cant miỻtir. a hynny
yỽ ỻet yr ynys hon. Sef achaỽs y|messura+
ỽd ef hynny; yr gỽybot y mal a|r miỻtired.
ac ymdeitheu y dieuoed. a|r messur hỽnnỽ a
uessuraỽd dyfynwal ỽrth y gronyn heid. Tri  ̷
hyt y gronyn heid yn|y votued. Teir motued
yn ỻet y balyf. Tri ỻet y balyf yn|y droetued.
Tri throetued yn|y cam. Tri cham yn|y neit.
Tri neit yn|y tir. Sef yỽ tir yg|kymraec new+
yd; grỽnn. a mil o tir yn|y miỻtir. ac o|r
messur hỽnnỽ yd yttys etto yn arueru yma.
Ac yna y gỽnaethant yr erỽ gyfreithaỽl ỽrth
uessur y gronyn heid. o|r gronyn y|r votued.
o|r votued y|r balyf. o|r balyf y|r droetued. pedeir