LlGC Llsgr. Peniarth 32 (Y Llyfr Teg) – tudalen 86
Llyfr Iorwerth
86
yn|y dref. ac ỽrth hynny y gelwir ef yn dir kyf+
rif. namyn o|r|byd erỽ diffodedic yn|tir kyfrif.
am y|ryỽ erỽ honno; y rannu o|r maer a|r
kygheỻaỽr yn gyffredin y baỽp kystal a|e
gilyd. ac ny dyly neb kychwyn o|e dyd yn kyfreithaỽl;
o dichaỽn kaffel tu a|thal amdanaỽ o tir a+
raỻ. ac ual y dywedassam ni uchot am y ỻaỻ
y dyly maer y bisweil y wneuthur am tir y
uaertref. gan adel paỽb yn|y tydyn herỽyd
ual y gaỻo oreu. Ny dyly vn tir bot yn di+
vrenhin. o|r byd abbattir; ef a|dyly udunt o|r
bydant leygyon dirỽy a chamlỽrỽ. ac amo+
byr. ac ebediỽ. a ỻuyd. a ỻedrat. O|r|byd ys+
pyttir ef a dyly ỻedrat ac ymlad. ac ỽrth
hynny ny byd un tir hebdaỽ|Pan vo marỽ
escob; y brenhin a|dyly y da oỻ. kanys diffe+
ith brenhin yỽ pob da heb perchennaỽc. dy+
eithyr gỽiscoed yr eglỽys a|e thlysseu ac a
berthyno attei. Tri gorsedaỽc yssyd a aỻant
wneuthur eu cabidỽl trỽydunt e|hunein a
thrỽy eu kyfreith. yn|y ỻe ny lesteiront kyfreith. y brenhin.
Sef ynt y rei hynny; escob yn|y orsed e|hun.
ac abat. a meistyr yspytywyr. pob un yn|y orsed.
T Ri dat·annud yssyd; dat·annud ar ac
eredic. a|dat·annud carr. a dat·annud
bỽrn a beich. a|r datanhudeu hynny ny dylyir
| « p 85 | p 87 » |