Breudwd Rhyddiaith Gymraeg 1300-1425
English

LlGC Llsgr. Peniarth 32 (Y Llyfr Teg) – tudalen 27

Llyfr Iorwerth

27

brenhin a|r vrenhines. vn naỽd yỽ a|gỽas ystaueỻ
y brenhina|e sarhaet ueỻy. a|e werth ueỻy dyeithyr
P Ymhet yỽ y ỻaỽuorỽyn. hi [ na drychefir.
a dyly y march pressỽyl. a diỻat y vrenhines.
y hen grysseu. a|e hen lenỻieineu. a|e hen esgit+
yeu. a|e hen frỽyneu. a|e hen gyfrỽyeu. Hi a|dyly
rann o aryant y gỽynos. Y naỽd yỽ o|r pan dan+
ho diỻat ar wely y vrenhines. yny tynho drannoeth.
Y gỽely a vyd yn|yr ystaueỻ. ual y clywho y geir
ỻeihaf a dywetto y vrenhinesY sarhaet yỽ o|r byd gỽr+
yaỽc; traean sarhaet y gỽr. Ony byd gỽryaỽc;
hanner sarhaet y braỽt. Y gỽerth yỽ. na gỽe+
dỽ na gỽryaỽc; hanner gwerth y braỽt. ac
veỻy am bop gỽreic. 
C hwechet yỽ. dryssaỽr y vrenhines. Ef a
dyly y|dir yn|ryd a|e varch a|e wisc. Ef a dy+
ly dỽyn gỽiraỽt yny bo med. Ny dyly eisted yn
yr ystaueỻ. namyn gỽassanaethu o|e sefyỻ. Ef
a dyly rann o aryant y gỽynos. Y letty yỽ y  ̷+
gyt a dryssaỽr y brenhin. yn|ty y porthaỽr. Y sar+
haet yỽ chwe|bu. a chỽeugeint aryant. Y werth
yỽ chwe|bu a chweugein|mu. 
S Eithuet yỽ y choc. Ef a|dyly y dir yn ryd
a|e varch a|e wisc. Ef a dyly diwaỻu o|r dis+
tein o|e hoỻ gyfreideu yn|y gegin. Ef a dyly
dechreu pob anrec o|r a gyweiro. Y letty yỽ y+