LlGC Llsgr. Peniarth 32 (Y Llyfr Teg) – tudalen 262
Brut y Saeson
262
y mab hyntaf y phylip vrenhin freinc y loeger. Ac y
rodet ydaỽ lundein a ỻaỽer o gestyỻ. Oet yr arglwyd
oed yna vn vlỽydyn ar|bymthec a CC. a mil. yr Jeuan
hỽnnỽ a ỽledychaỽd drỽy dyruaỽr deruysc vn vlỽdyn
ar|bymthec a phum mis a phedyỽar* diỽarnaỽt. Ac
yg|kaer ỽyrangon y cladỽyt. [ Vn vlỽdyn ar ̷ ̷
bymthec a deu. Cant. a Mil. oed. oet. crist pan coronhaỽt henri
y vab ef yn vrenhin yn|y n˄aỽ|mlỽyd o arch Walo
legat gỽr santeid a|garei hedỽch oed hỽnnỽ. y
vlỽdyn racỽyneb y bu y vrỽydyr yn lincol y·rỽng
y saesson a|r freinc. Ac y|goruuỽyt y freinc ac y
delit laỽer o|e barỽneit. Ac yn|y mor y delit y ỻu
a deuth ẏn borth y|r freinc. Ac y gỽnayth lowẏs
hedỽch a ỻoeger. Ac yd|aeth y freinc. A henri
a briodes Elianor verch Jarỻ prouens. Ac o·honei
y bu vab ido a|elvit Edwart a hỽnnỽ a vu vyỽ
vyth mlynet a* hugeint. a gỽedy hỽnnỽ y bu Edmỽnd
a vu Jarỻ leicestyr a pherỽr a lancastyr. a merch
a elỽit Margaret. a honno a rodet yn|ỽreic. y
alexandyr brenhin prydein a hỽnnỽ a ỽrhaỽd y henri
vrehin y bymtheuet* vlỽdyn ar hugeint o|e deyrnas
yn|y amser ef y bu ryuel y·rỽg y saesson a|r kymry
ac y diffeithaỽd kymry oỻ hyt yg|kaer ỻeon. Ac
y gỽahodet Simund mỽnffỽrt y loeger a heb gadỽ
coet vrthaỽ y ỻosget ef. Ac y|deholet Ricart y
braỽt hynaf y|r brenhin ac y ỻas y tu hỽnt
| « p 261 | p 263 » |