Breudwd Rhyddiaith Gymraeg 1300-1425
English

LlGC Llsgr. Peniarth 32 (Y Llyfr Teg) – tudalen 256

Brut y Saeson

256

a phan velas Godmỽnt jarỻ kent maỽrdỽyỻỽr y der+
nas hynny dyvedut a|oruc vrth vyrda ỻoeger ry|dỽyn
o aluryt gormod o amylder normaneit y·gyt ac ef. Ac
yna y perit y dala oỻ a|e rỽymaỽ a|e dodi y eisted. A|e
ỻad pob naỽ a diangk y decuet A|r degỽm a|diegis a
degemỽyt eilỽeith yg Gildfỽrd. Ac am hynnẏ y dyỽe*+
  dasseu vyrdin. Degỽm Normandi a argyỽeda
  AAluryt gwedỽ* tynnỽ* y lygeit a|dugant
  hyt yn heli ˄ac yno y bu Wyth|mlyned a deugeint
  Mil. oed. oet. crist pan anuones y|saesson kenadeu
  a gỽystlon y Normandi yn ol Edwart ac
  erchi ydaỽ dỽyn ychydic o|r normaneit y+
gyt ac ef a duỽ pasc y deuth y|r tir. A|r dyt hỽnn
y coronhaỽyt ef y gan gilis Archescob a hỽnnỽ a
vỽ gyn|hygaret ac na mẏnei argyỽedy y dyn o|r
byt yr diỽeluet vei. Enryded a|ỽnai ef y baỽp o|r
deyrnas. Ac ofynhaỽ estraỽn genedyl hỽnnỽ a briodes
Edvin verch godvin chaer* y haraỻt. Efo duỽ
pasc ar y bỽrd yn vestmystyr a chỽardaỽd o veledi*+
gaet y seith kysgaỽdyr Efo a ỽelas brenhin denmark
pan yttoed ar y Efferen yn bodi. Pedeir blyned ar
hugeint y gỽledychaỽd. Ac yn|gỽestmestyr. y cladỽyt
Oet yr arglỽyd oed yna lxv. a MA gỽedy tyfu
y vyrtheu a|e rinỽedeu. yn yr vnuet vlỽydyn ar
bymthec o|e varvolyath* y|drychafỽyt y gorff Ac
y cafat y gỽr a|e|ỽisc yn gyuan gyt a diruaỽr  ̷