LlGC Llsgr. Peniarth 32 (Y Llyfr Teg) – tudalen 246
Ystoria Adda
246
gwedy yr enryfedaỽt hỽn. y dywaỽt duỽ ỽrth vos+
sen Achaỽs nat enrydedeist|i vy enỽ|i yg gỽyd pobyl
yr ysrael. na thywyssy ditheu y pobyl honn y|r wlat ven+
digeit. Ac y dywat moessen ỽrth duỽ pỽy a|e tywissa
hỽyteu* arglỽyd. Ac yna y dywaỽt duỽ. ny daỽ o·ho+
nunt ỽy neb y|r wlat vendigeit eithyr kaleph a iosue.
A|thrỽy y parabyl hỽnnỽ y deaỻỽys moessen bot ter+
uyn y|uuched yn agos. Ac yna y doeth moessen y
vron mynyd tabor. Ac y plannaỽd y teir gỽyalen
Ac yn ymyl y teir gỽyalen hyn y gỽnaeth bed idaỽ
Ac yd aeth yndaỽ. ac yd atueraỽd y yspryt. Ac yno
y buant y teir gỽyalen yn seuyỻ mil o vlỽynyded
hyt yn amser dauid proffỽyt. A|r dauyd hỽnnỽ a ry+
budyỽyt o·plegyt yr yspryt glan. Ac yd erchit idaỽ
vynet y arabia. y vynyd tabor y gymryt y teir
gỽyalen a|e dỽyn gantaỽ y gerussalem. Ac yna
yd aeth dauid y arabia ac y deuth y vynyt tabor
Ac yno y kafas y teir gỽyalen. Ac val y kymerth
ỽynt o|r daear y deuth o|r gỽyal ryỽ arogleu an ̷+
haỽd gan neb credu y daet megys y tebygei baỽb
y bot yn vendigedic o eneu duỽ. Ac y peris da+
uyd rac ỻewenid kanu amryfal didanỽch o gerdeu
Ac yd aeth y garussalem. A saỽl a helei attadunt
o dynnyon anafus y kussennyn y gỽeal ac yd
eynt yn iach. A thrỽy y gỽyal hynny. y deaỻỽys
dauyd. y mae ỽynt a arỽydoccaynt y trindaỽt lan.
| « p 245 | p 247 » |