Breudwd Rhyddiaith Gymraeg 1300-1425
English

LlGC Llsgr. Peniarth 32 (Y Llyfr Teg) – tudalen 234

Breuddwyd Pawl

234

R *Eid ẏỽ ini urodẏr karu digriuỽch paradỽ+
ẏs. ac ouẏnocau poeneu uffern ẏ rei a|uu+
ant dangossedic ẏ baỽl ebostol pan uu ẏg karchar
Duỽ a|uynei dangos idaỽ ef nef ẏn|ẏ byd hỽnn.
ac uffern. ac am hẏnnẏ ẏr anuones duỽ ỽihagel ẏn
ysprẏd ẏn|ẏ ulaen. a dẏuod a|wnaethant ẏ auon ua+
ỽr. a|gofyn a|wnaeth paỽl ẏ|r angel pỽẏ oet enỽ ẏr a  ̷+
uon honno. a dẏwedud a|wnaeth yr angel ỽrthaỽ
ef. Ẏr auon hon a elwir occẏanus ẏn ẏr hon ẏ|dẏ  ̷+
gỽydant ser ẏ nef. ac y gẏlchyna ẏr holl dayar ac
odyno yt aethant ẏ le aruthẏr ẏn ẏr hỽn nẏd oet
namyn tẏwyll dretheu* a|thristỽch. ac yno ẏt oet ẏr
auon ẏn kymerwi megẏs tan. a thonneu ar yr a+
uon honno a dẏrcheuynt hyd y nef. Sef yỽ ynỽ*
yr auon honno colchiton ac o honno ẏr amla  ̷+
hant teir auon ẏ rei a elwir ual hynn. semiton et
cogiton et grauiton. ac o·dyno yr aethant ẏ
le arall ẏn|ẏ lle yt oet mynyt maỽr. ac ar ẏ|mẏ+
nyt ẏr oet sarff agheuaỽl. yr hỽn a oet idaỽ
canpen ẏn|ẏ uẏnỽgẏl. a mil o dannet idaỽ ym+
pop pen megẏs lleỽ. a ỻẏgeid a oeẏdẏnt* kyn lẏ+
med a chledẏfẏu llẏmyon. ac yn wastad agore  ̷+
dic eneu a uydei idaỽ ẏn llygku yr eneideu. ac
enỽ ẏ sarff hỽnnỽ oet partimỽth. ac o·honaỽ
ẏr archẏuẏnẏnt llawer o seirff. a fan rynei ẏ
anadyl o·honaỽ ẏ doynt holl genedloet prẏued

 

The text Breuddwyd Pawl starts on line 1.