Breudwd Rhyddiaith Gymraeg 1300-1425
English

LlGC Llsgr. Peniarth 32 (Y Llyfr Teg) – tudalen 221

Llyfr Iorwerth

221

o|deruyd y|dyn ỻad ki dyn araỻ. a|r neb pieiffo y
ki yn dywedut y vot yn vugeilgi. a|r ỻaỻ yn|y
amheu. reit yỽ y berchennaỽc y ki bot idaỽ
gymodaỽc uch y laỽ. ac araỻ is y laỽ y gadỽ
y vot yn uugeilgi. Eil yỽ; o|deruyd y gi wneuthur
kyflauan. neu dỽy neu deir. a|e diheuraỽ deirgỽ+
eith. a|r bedwared weith bot y berchennaỽc yn
mynnu y|diheuraỽ; kyfreith. a|dyweit panyỽ y dyn
y gỽnaethpỽyt yr eissiwet idaỽ bieu proui
y vot yn gyneuodic os|digaỽn. kanys o|r dryded
weith aỻan y bernir yn gyneuodic. Trydyd yỽ;
o|deruyd y dyn ad ki kyndeiryaỽc. a dywedut o
berchennaỽc y ki nat oed gyndeiryaỽc; kyfreith. a|dyw+
eit y dyly y neb ry ladaỽd y ki proui y uot yn
gyndeiryaỽc. y welet yn ymlad a chỽn neu yn
ymlit dynyon. neu wedy yssu y dauaỽt; ac o
gỽelir hynny arnaỽ; ryd vyd y lad. kanys kyn+
deiraỽc vyd. Llyman yr hyt y dyly y kynydy+
on crỽyn yr aniueileit heb eu traean a|r brenhin.
Nyt amgen o duỽ kalan gaeaf; hyt naỽ·uet+
dyd gỽedy kalan Jonaỽr. O|deruyd. daly gỽr y|mrỽy  ̷+
dyr. a bot gỽyr deu arglỽyd ỽrth y daly. arglỽyd
y kyntaf a dotto y laỽ arnaỽ bieiuyd y karch+
araỽr. os|gỽyr vn arglỽyd vydant; y kyntaf
a|dott y laỽ arnaỽ bieiuyd y yspeil; kanny rann
kyfreith. yna. O deruyd. gadel o|dyn yt idaỽ heb vedi neu heb