Breudwd Rhyddiaith Gymraeg 1300-1425
English

LlGC Llsgr. Peniarth 32 (Y Llyfr Teg) – tudalen 217

Llyfr Iorwerth

217

ran kyfreith. kyttundeb. Ereiỻ a dyweit; panyỽ y
ieuaf bieu rannu. a|r hynaf dewissaỽ. ony byd
uch breint y ieuaf. O|deruyd na wyper pỽy uch+
af pỽy issaf y vreint. pỽy hynaf. pỽy ieuaf;
kyhyded a vyd y·rygthunt. ac yna y dyly y
rann a|dywedassam ni uchot. O|deruyd. bot peth
ygkyt y·rỽg deudyn; a|r neiỻ yn mynnu y  ̷
rannu. a|r ỻaỻ yn mynnu na ranner; rannet
yr vn yssyd yn mynnu rannu. a dewisset y ỻaỻ.
O|deruyd. bot peth diwahan ygkyt y·rỽg deu·dyn
neu a vo mỽy o|dynyon. val ych neu. uuch.
neu varch. neu beth araỻ ny aỻer na|e waha+
nu na|e dryỻyaỽ. a rei yn mynnu y rannu. ac
ereiỻ heb y vynnu; y neb a vynn y rannu
gỽnaet y werth. a|dewisset y neb ny mynn
rannu ae kymryt yr aniueil. ae gỽrthvryt
y rannỽr. ae gadel yr aniueil y|r rannỽr. a
chymryt y gỽrthuryt y ganthaỽ. O|deruyd. na myn+
nont wneuthur hynny; arglỽyd a|dyly eu
kymheỻ; kanny|dyly neb bot ygkyt a|e gilyd
onyt tra|e mynho. O|deruyd eissoes na aỻer dy+
uot y|r gỽrthvryt; iaỽn yỽ eu bot ygkyt yny
aỻer kaffel eu dewis y rei ereiỻ. ac nyt iaỽn
ynteu na dryỻyaỽ yr aniueil na|e diuỽynaỽ
yr bot ygkyt. O|deruyd. bot kytda y·rỽg ỻawer o
dynyon. ac vn yn mynnu rannu. a|r ỻeiỻ