Breudwd Rhyddiaith Gymraeg 1300-1425
English

LlGC Llsgr. Peniarth 32 (Y Llyfr Teg) – tudalen 206

Llyfr Iorwerth

206

dylyo keitweit vot. nac yn vn ỻe y dylyo reith
ossodedic vot yg|kyfreithSef achaỽs yỽ; kanny|dyly
gỽybydyeit diffodi reith. Py dir eglỽys bynnac
a warchattwer yn oes tat. a hendat. a gorhendat
ac ynteu e|hun yn pedwyryd. a|thalu tỽng ac e+
bediỽ y|r abat. heb dỽryf heb eniwet y gan y neb
a|e holo; tref·tadaỽc vyd ar y tir hỽnnỽ. Sef vyd
tỽryf ac eniwet; osgi tei neu lad kelein. O|byd
priodaỽr a|e gỽna; ny chy dim yrdaỽ. kyfoet
ampriodaỽr a|e gỽarchattỽo. namyn vn peth
a|gychỽyn paỽb a ỻys a ỻan. diaspat uch an+
nỽfyn y|r neb a dehor. ae o wystyloryaeth ae o
a·lanas y aỻtuded. honno hagen y kychỽynnir
racdi ae y ar beth ae y ar gỽbyl. Ryd vyd ter+
uynu bop amser na chaeet vo kyfreith. nac agoret. o+
ny byd rodi randir yndaỽ. a|r ỻann bieu teruy+
nu. ar ỻys. a|r ỻys ar y kyuoeth. Sef a|e tỽng
drostunt; maer y ỻys. Os abat a|deruyna; tir
y lys e|hun. segenuab a|e tỽng drostaỽ. Os deu
dir o|gymreint gyhyt a vyd dywyn; henhafgỽyr
kyffredin y dỽyn y deruyn. ac ony|s medrant;
rannu eu hamrysson yn|deu hanner. Os go+
gymreint vyd y|deu|dir. a bot yn hỽy gỽarchadỽ
y neiỻ rei no|r rei ereiỻ arnaỽ; teruynet yr hỽy+
af y warchadỽ. Gỽerth cath herỽyd hen kyfreith. y
daly herỽyd blaen y ỻosgỽrn; a|e thrỽyn ar laỽr