Breudwd Rhyddiaith Gymraeg 1300-1425
English

LlGC Llsgr. Peniarth 32 (Y Llyfr Teg) – tudalen 201

Llyfr Iorwerth

201

a bot cosp kyfreithaỽl arnaỽ o|r gỽna cam. O deruyd. y haỽl+
ỽr ac amdiffynnỽr ymdywedut o kyfreith. rac bron yg+
nat. ac yn hynny kỽympaỽ o|r neiỻ o·nadunt.
A cheissaỽ ym·diangk o·honaỽ o|r na bu tyỻwed.
na choỻ. na chael. kyfreith. a|dyweit nat amot dim a
dywetto haỽlỽr ac amdiffynnỽr rac bronn yg  ̷+
nat. kyt kygheussedo ereiỻ drostunt ỽynteu
rac bron ygneit; a nolo yỽ a dywettont. O|deruyd ka+
deiraỽ kyghaỽs. ac odyna adaỽ y le o·honaỽ;
kyfreith. a|dyweit na daỽ ef y|r ỻe hỽnnỽ trachefyn. a|e
vot yn goỻedic o|r haỽl y bo yn|y chynnal. O|deruyd.
y dyn adaỽ maes yn agkyfreithaỽl; iaỽn yỽ galỽ ar+
naỽ teirgỽeith kynn barnn braỽt arnaỽ. ac o|r
daỽ ar y dryded weith; ny dyly coi y haỽl na bot
yn gamgylus yr hynny. O deruyd. y aỻtut a gỽreic
agỽediaỽl idaỽ mynnu ymadaỽ a|e arglỽyd. a
honno yn mynnu na ranher y hargyfreu. Rei
a|dyỽeit dylyu o·honei yscar a|e gỽr. a mynet
a|r eidi yn ryd a|e dilysrỽyd; kyfreith. eissoes a|dyỽeit
na|dyly hi yscar a|r gỽr onyt am y agkyfreithac
nat agkyfreith. idaỽ ynteu rodi o|e arglỽyd y dylyet.
ac ỽrth hynny ranher a|vo ar eu helỽ yn deu
hanher. O|deruyd. torri ỻog kyn talu toỻ o·honei;
y brenhin bieiuyd y|da. kyt torrer hitheu gỽedy
taler y doỻ; ny dylyir dim udunt. kanys breint
aỻtutyon a vyd arnadunt o hynny aỻan. a phy