Breudwd Rhyddiaith Gymraeg 1300-1425
English

LlGC Llsgr. Peniarth 32 (Y Llyfr Teg) – tudalen 20

Llyfr Iorwerth

20

atteb y neb o·nyt y un o|e|gytsỽydogyon o·nyt naỽ+
uet dyd y kalan y dechreuho hely moch coet. Os
kynn gỽisgaỽ y guryaneu yd holir idaỽ. a hyn+
ny kynn rannu y crỽyn a neb. a gỽedy hynny
rannu y crỽyn yn deu·parth a|thraean. y deuparth
y|r kynydyon a|r traean y|r brenhin. O deu·parth y
kynydyon. dỽy ran y gynyd geỻgi. ac un y
gynyd milgi. a|r penkynyd a dyly dỽyran y gan
gynydyon y geỻgỽn. ac vn y gan gynydyon y
milgỽn. ac o traean y brenhin. o|r|krỽyn. y penkyn+
yd a dyly y traean. Ef yssyd trydyd dyn y trae+
anha y brenhin. ac ef. A gỽedy darffo hynny oỻ; y
dyly y penkynyd dangos y gỽn a|e grỽyn a|e
gyrn a|e gynỻyuaneu y|r brenhina gỽedy hynny
mynet y gymryt kylch ar vileineit y brenhin.
ac o hynny hyt y nadolyc bint ar y kylch hỽnnỽ.
Ac erbyn y nadolyc deuent att y brenhin. y gymryt
eu breint yn|y ỻys. ac y eu ỻe. Vn werth yỽ kỽn
y penkynyd a|chỽn y brenhinPỽy|bynnac y bo
peth ygkyt y·rygthaỽ a|r brenhin. na|r penkynyd
vo nac araỻ. hỽnnỽ a dyly rannu. a|r brenhin
dewissaỽ. Naỽd y penkynyd yỽ hyt y bo breid
clybot ỻef y gorn. Y sarhaet yỽ chwe|bu a
chweugeint aryant. Y werth yỽ chwe|bu a|chỽ+
eugein|mu gan y ardrychafel vn weith. 
U nuet ar|dec yỽ y medyd. ef a|dyly y dir yn