Breudwd Rhyddiaith Gymraeg 1300-1425
English

LlGC Llsgr. Peniarth 32 (Y Llyfr Teg) – tudalen 187

Llyfr Iorwerth

187

namyn o|e dylyeidyon O|deruyd. bỽrỽ ae ỻog ae da
araỻ ar tir esgob neu abat; y brenhin a dyly
y hanner. O|deruyd. enỻibyaỽ ar dyn ae ỻosc ae
anreith. ae kyrch kyhoedaỽc. Sef eiryf a|dyly
bot myỽn kyrch kyhoedaỽc; naỽ nyn. ae yspe+
il. ae ỻad dyn ym|brỽydyr. ae kynỻỽyn. ae vn
o|r tri enỻiỽ yssyd ar wreic. Sef ynt; y chaffel
yn dyuot o goet. neu o wacty. neu dan vn
uanteỻ. neu treis. Y wadu pob vn o|r rei hynny;
ỻỽ degwyr a deugeint ar|r. a|r gymeint ar
wreic o wraged. O|deruyd. y dyn anuon peth y
araỻ yn ỻaỽ dyn. ac na|s|rodho hỽnnỽ y|r
dyn. yd anuoner idaỽ. a holi o vn o·nadunt
y dyn ry anuonet yn|y laỽ. ac na chymerer
cret y ganthaỽ ar wneuthur ry archyssit
idaỽ. kymerent a|gredassant. sef yỽ hynny.
y gywirdeb ef. a chynny bo kywir ynteu; ny
dylyir y dilit O|deruyd. y|dyn rodi da yn ỻaỽ araỻ
ae y dinas. ae y gyfnewit. haỽl yssyd idaỽ ar
y|da. kannyt ymedewis y ardelỽ ac ef O|deruyd. y
dyn ỻad prenn. a chan gỽymp y prenn ỻad
dyn. ac na|s rybudyo y|dyn a lado y prenn.
talet y alanas. Os ynteu a|e rybudya ef;
ny dyly y dalu O|deruyd. y dyn gỽneuthur med+
eginyaeth a*|ỽrth dyn. ae ỽrth aniueil; kyme+
ret diogelrỽyd am a|wnel. ac ony|s|kymer; diỽ+