Breudwd Rhyddiaith Gymraeg 1300-1425
English

LlGC Llsgr. Peniarth 32 (Y Llyfr Teg) – tudalen 164

Llyfr Iorwerth

164

a|r ỻaỻ y·rỽng yr offeireit a|r clas. O vn geir
cam yn|y vynwent; seith punt a delir. a|r vn
ford y rennir hỽnnỽ a|r ỻaỻ. Pỽy bynac a
wnel cam y myỽn capel; talet seith punt. a|r
neiỻ hanner y|r offeireit. a|r ỻaỻ y|r personyeit.
P Ob kyflauan o|r a|wnel dyn o|e an+
uod; diwyget o|e vod. O|r ỻad dyny+
on ynuyt dynyon ereiỻ; taler gala+
nas drostunt ual dros dynyon ereiỻ. kanys
eu kenedyl a|dyly eu kadỽ rac gỽneuthur
drỽc onadunt. Py dyn pỽyỻaỽc bynnac a
ladho dyn ynuyt; talet y alanas ual gala+
nas dyn pỽyỻaỽc. Ny diwygir sarhaet a
gaffer gan ynuyt. ac ny diwygir sarhaet
a gaffo ynuyt. Nyt gỽneuthuredic dim oc
a|wnel dyn medỽ; na mach a rodho. na pheth
araỻ a|wnel. O|deruyd. bot dyn kyndeiryaỽc. a bra+
thu araỻ o·honaỽ. a|e varỽ o|r brath hỽnnỽ;
ny|s|diỽc kenedyl yr ynuyt ef. kanys o
annỽyt yr heint hỽnnỽ y koỻes y ỻaỻ y en+
eit. Ny thelir sarhaet y dyn mut. ac nyt
attebir idaỽ o|dim. kanny dyweit e|hun y
dylyu o·nyt arglỽyd a drugarhaa ỽrthaỽ.
a rodi idaỽ a attepo drostaỽ. Ny mỽynheir
ymadraỽd dynyon bydeir a|deiỻyon yn dad+
leu. kanny wyl y deiỻon. ac na chlyỽ y bydeir.