Breudwd Rhyddiaith Gymraeg 1300-1425
English

LlGC Llsgr. Peniarth 32 (Y Llyfr Teg) – tudalen 151

Llyfr Iorwerth

151

ac ny thelir dim y|r neb pieiffo y gỽaet. kanys
goỻygedic vyd. Y sarhaet hagen a delir idaỽ.
P ỽy bynnac a vynno gỽneuthur kyuar.
Jaỽn yỽ idaỽ rodi mach ar vot ỽrthaỽ.
a chyuaruot y ỻaỽ a|e gilyd. a|gỽedy y gỽne+
lont hynny; y gadỽ yny darffo y magyl. Sef
yỽ y magyl; deudec erỽ. Am vessur yr erỽ; neur
dywetpỽyt kynno hynn. Yr erỽ gyntaf y|r
amaeth. a|r eil y|r|heyrn. a|r tryded y|r eithefyd
tywarch. a|r bedwared y|r eitheuic gỽeỻt. a|r
bymhet y|r geilwat. ac ueỻy y kerda o oreu
y oreu o|r ychen yr erwi o hynny aỻan. dieith+
yr na thorrir yr ieu y·rygthunt hyt y diwe+
thaf. A gỽedy hynny erỽ y gỽyd. a honno a
elwir kyueir kafnad*a hynny vn weith yn|y
vlỽydyn. O deruyd udunt mynnu gỽahanu;
gỽedy darffo y magyl; ỽynt a|e gaỻant os
mynnant onyt amot a|e rỽym. O deruyd kau
doleu ar ychen. a marỽ vn o|r ychen. py adoet
bynnac a|e|dycco; iaỽn yỽ kaffel erỽ o·honaỽ.
a honno a|elwir erỽ yr ych du. Ot amheuir
y perchennaỽc am ry gaffel cam y ganthaỽ
ef o|r ych; creirher ef hyt na|doeth y gam ef
ỽrthaỽ. Kyt gỽnelher kyuar ac ych. ac nat
el ef y|r ỻauur; a|chau dol arnaỽ. ac nat ardo
na chylch na deu; ny dyly kaffel dim. O|deruyd