LlGC Llsgr. Peniarth 32 (Y Llyfr Teg) – tudalen 148
Llyfr Iorwerth
148
Esgityeu carreiaỽc; dỽy geinhaỽc kyfreith. Gỽregys.
o byd eur neu aryant arnaỽ; damdỽng. ony
byd; keinhawc. kyfreith. Gỽintasseu; keinhawc. kyfreith. Kyỻeỻ glun;
keinhawc. kotta. Kyỻeỻ geỻ; dỽy geinhawc. kyfreith. Honsas; dỽy
keinhawc. kyfreith. Agalaen gỽregys. keinhaỽc kotta.
Gỽregys ỻaỽdyr; keinhawc. kyfreith. Gỽerth dreua geirch;
pedeir keinhawc. kyfreith. Dreua amyt; ỽyth keinhawc. kyfreith. Hual
haearn; dỽy geinhawc. kyfreith. Hual pren fyrỻig. Coge+
il; keinhaỽc kyfreith. Dỽy glỽyt buarth; keinhawc. kyfreith. Hes+
taỽr; fyrỻig. Corn canu; pỽy bynnac bieiffo;
keinhawc. kyfreith. Rei a|dyweit am y diỻat; panyỽ damdỽg
yssyd arnadunt. Ereiỻ a dyỽeit; panyỽ y duỻ
hỽnn yssyd arnadunt. Sef yỽ hynny. pob
manteỻ wrỽm odidaỽc; pedeir ar|hugeint.
Pob manteỻ. a chapan. a pheis dinessic; pede+
ir ar|hugeint pob vn. Pob tudedyn pentan;
ỽyth keinhaỽc. Crys a ỻaỽdyr; pedeir ar|hu+
geint. Teispan; ỽyth keinhawc. kyfreith. Penỻiein; ỽyth
keinhawc. kyfreith. Funen; pedeir keinhawc. kyfreith. Penguch; keinhawc. kyfreith.
Skin brenhin. neu vrenhines; punt. Skin uch+
elỽr. neu y wreic trugeint. Ruch taeaỽc neu
y wreic; dec ar|hugeint. Clustoc; pedeir keinhawc. Ky+
ueir y gaeaf; dỽy geinhaỽc kyfreith. Kyueir y gỽan+
hỽyn. keinhawc. kyfreith. Aradyr neu penffest; keinhawc kyfreith. Olỽyn+
eu; dỽy geinhawc. kyfreith. Frowyỻeu y racarnaỽd; keinhawc. kyfreith.
Pob Jeu a|e phistlon; keinhawc. kyfreith. Y pistyl; ffyrỻig.
| « p 147 | p 149 » |