Breudwd Rhyddiaith Gymraeg 1300-1425
English

LlGC Llsgr. Peniarth 32 (Y Llyfr Teg) – tudalen 144

Llyfr Iorwerth

144

ar bop un o|e odei. Hafty; pedeir keinhaỽc.
Kynhaeaf·ty; ỽyth keinhawc.|Pỽy bynnac a vriỽho
ty yn agkyfreithaỽl; talet pedeir keinhaỽc
am bop pren bras y am y doreu. a|r amhinyo+
geu. a|r trosteu. a|r tulatheu. am y pentan; pe+
deir keinhawcam bop paỽl a gỽialen. a chledreu; keinhawc.
Y polyon sang a|r keibreu. keinhawcGỽspren; keinhaỽc.
a|ssaeth; keinhawcTo y tei a|e hachwre; traean gỽerth
y tei a vyd arnadunt. a thraean gỽerth y to
a vyd ar yr achwre. 
BRyccan brenhin; chỽeugeint a|dal. G ̷+
bennyd; pedeir ar|hugeint. Y beir; chweu+
geint. Y gicwein; pedeir ar|hugeint. Y bergin;
chỽeugeint. Y gaỻaỽr; trugeint. Y chicwein;
deudec keinhawcY delyn; chỽeugeint. Y chyỽeir+
gorn; pedeir ar|hugeint. Telyn penkerd;
chỽeugeint. Y chyweirgorn; pedeir ar|hugeint.
Taỽlbort brenhin; chỽeugeint. Tri chorn
buelyn y brenhin; Y gorn kyued. a|e gorn kyỽe+
ithyas. a|e gorn y gan y penkynyd ỽrth hely.
punt a|dal pob vn onadunt. Pob tlỽs brenhin.
am y fioleu. a|e gyrn. a|e vodrỽyeu. punt a
dal pob vn; kanny|dyly ef damdỽg. Bryc+
can mab uchelỽr a|e gaỻaỽr a|e delyn; truge+
int a|dal pob vn. Y gicwein deudec keinhaỽc.
a|e gyweirgorn; deudec keinhawcY daỽlbort o asgỽrn