Breudwd Rhyddiaith Gymraeg 1300-1425
English

LlGC Llsgr. Peniarth 32 (Y Llyfr Teg) – tudalen 14

Llyfr Iorwerth

14

a ỻenỻiein a chlustoc y|gan y vrenhines. a|r
gobennyd yd eistedho y brenhin arnaỽ y dyd;
a vyd dan y benn ynteu y nos. Ereiỻ a|dyỽ+
eit na dyly ef y letty o|r neuad. Y varch a|dy+
ly bot y·rỽng march y brenhin. a|r paret. a dỽy
rann idaỽ o|r ebran. Ef a|dyly taỽlbord o
asgỽrn moruil y gan y brenhinac araỻ y gan
y bard teulu. a|r ouerdlysseu hynny ny dy+
ly ef nac eu gỽerthu nac eu rodi tra vo byỽ.
Ef a|dyly rann gỽr y·gyt a|r sỽydwyr. Ef a
dyly y|gan y pengỽastraỽt diwaỻu y varch
o|r hoel leihaf hyt y vỽyhaf. a|e dỽyn idaỽ y
esgynnu arnaỽ pan y|marchockao. Ef a
dyly y gan y porthaỽr agori y porth maỽr
idaỽ yn mynet ac yn|dyuot o|r ỻys. ac na|s
goỻygho vyth y|r wicket. Ef a|dyly rann
gỽr. o aryant y gỽastrodyon. Ef a|dyly o|r
anreith a|wnel teulu y brenhin. o|r wlat gỽedy
y|del y brenhin. y traean y|r eidon a dewisso. Ef a
dyly pedeir ar|hugeint am|dadleu tir a dae+
ar y·rygthaỽ a|r ygneit ereiỻ. ac idaỽ ef y
daỽ rann deu wr. Ef a|dyly barnu ar y teu+
lu ac ar a berthyno arnadunt. Ef a|dyly
ỻamhystaen gyfrỽys neu hỽyedic hebaỽc
y gan y penhebogyd. Ef yssyd drydyd an+
hepkor brenhin. Ef a|dyly pedeir ar|hugeint