Breudwd Rhyddiaith Gymraeg 1300-1425
English

LlGC Llsgr. Peniarth 32 (Y Llyfr Teg) – tudalen 129

Llyfr Iorwerth

129

pob peth a|dycker yg|gỽyd o anuod. Sef yỽ an+
odeu; pob peth o|r a|dycker yn rith peth araỻ.
N y dylyir am anodeu dim namyn dieissiỽaỽ
y dyn o|e|daNy dylyir dihenydyaỽ caeth
os pryn y arglỽyd. ac o·ny cheffir dim yn|y laỽ;
arglỽyd a|eiỻ y diheuraỽ. ac o achaỽs hynny
yd|ydys yn deuodi y|r arglỽydi diheuraỽ eu gỽe+
isson aỻtudyon. Aỻtudyon tros uor neu o|wlat
araỻ aghyfyeith; ny dylyir eu|dihenydyu am
vỽyt a|diaỽt hyt a*|diaỽt* hyt* ympenn teir|nos
a thri·dieu. kanys ryd vyd; namyn diuỽyn y da
y|r neb a|e pieiffo. Ny dylyir dirỽy nac am gi.
nac am ederyn; namyn camlỽrỽ. a|r da y|r per+
O  Naỽ affeith tan; kyntaf yỽ. chennaỽc
rodi kyghor y losgi y ty. Yr eil yỽ kyt+
synnyaỽ a|e losgi. Trydyd yỽ mynet o achaỽs
y losgi. Pedweryd yỽ ymdỽyn y rỽyỻ. Pymhet
yỽ; ad y tan. Chwechet yỽ; keissaỽ gosgym+
on. Seithuet yỽ; chỽythu y tan yny ennynno.
Wythuet yỽ rodi y tan y|r neb a losco ac ef.
Naỽuet yỽ; gỽelet y losgi. Pỽy bynnac a|vyn  ̷+
no gỽadu vn o|r naỽ affeith hynn; rodet lỽ deg+
wyr a deugeint. ac os yn ỻedrat y gyrrir arnaỽ;
y neiỻ hanner yn wyr not a|r ỻaỻ yn wyr di+
not. neu dalet gamlỽrỽ. Ereiỻ a|dyweit nat
mỽy reith yn|y byt am ledrat no deudegwyr.