Breudwd Rhyddiaith Gymraeg 1300-1425
English

LlGC Llsgr. Peniarth 31 – tudalen 4r

Llyfr Blegywryd

4r

ef a dyry naỽd drostunt oll y paỽb o|r a|e keis+
so y gantaỽ yn yr enỽ y keisser. Naỽd bren+
hines yỽ dỽyn y dyn y rodo naỽd idaỽ dros fin
y wlat     . heb erlit a heb ra+
got. Naỽd y penteulu yỽ dỽyn y dyn dros ffin
y kymỽt y bo yndaỽ. Naỽd yr offeirat teulu
yỽ dỽyn y dyn hyt yr eglỽys nessaf idaỽ.
Naỽd y distein yỽ; o|r pan dechreuho sefyll yn
y sỽyd hyny el y dyn diwethaf o|r llys y gyssgu.
Naỽd yr hebogyd yỽ hebrỽng y dyn hyt y lle
pellaf y bu y dyd hỽnnỽ yn|y hebogydyaeth.
Naỽd y braỽdỽr yỽ hebrỽng y dyn ky·hyt o am+
ser; ac o|r pan dechreuer dadyl rac y vron y bore
hyt pan teruyno y dadyl diwethaf yn|y dyd
hỽnnỽ. Naỽd y pen gwastraỽt yỽ; tra par+
hao redec y march kyntaf a uo yn|y gadỽ.
Naỽd y pen kynyd yỽ; hyt y lle pellaf y bre+
id glywer y gorn. Naỽd y gwas stauell yỽ;
o|r pan eler y vrỽyna a thanu gwely y bren+
hin o|r brỽyn a|e gỽdyaỽ a dillat. yr hyt hon+
no hebrỽng y dyn. Naỽd distein brenhin+
es yỽ; o|r pan dechreuho seuyll yn|y sỽyd yn
yr ystauell; hyt pan el y dyn diwethaf o|r ys+
tauell y gysgu. Naỽd offeirat brenhines yỽ;