Breudwd Rhyddiaith Gymraeg 1300-1425
English

LlGC Llsgr. Peniarth 31 – tudalen 30v

Llyfr Blegywryd

30v

vn yỽ gwaet kyn delwat. ỽyth a deu·geint
a tal. o|r collir trỽy greulonder. Eil yỽ kyn
dyuot eneit yndaỽ o|r collir trỽy greulonder;
trayan y alanas a telir ym·danaỽ. Trydyd
yỽ. guedy y del eneit yndaỽ talu cỽbyl ala+
nas a dylyir o|r collir trỽy greulonder.
O Tri mod y gwedir kyssỽyn blant o ge+
nedyl. vn yỽ y neb a|dywetter y vot yn
tat idaỽ o byd byỽ a eill y wadu ar y lỽ e|hun+
an. Ony byd byỽ y tat; penkenedyl a seith laỽ
kenedyl gantaỽ a|e guatta. Ony byd penke+
nedyl; llỽ degwyr a deugeint o|r genedyl a|e
guatta. Ac uelly mam neu genedyl mam a
dichaỽn dỽyn y kyfryỽ etiued hỽnnỽ y gene+
dyl gan y odef udunt Ny dyly praỽf vot o
pleit etiued kyssỽyn yn erbyn guat cỽbyl o|r
parth arall. namyn praỽf a dyly bot gan y
odef o|r pleit arall. kanys godef ym pop peth
a tyr y kyghaỽs. Os gỽreic a|e dỽc ef; tyget
ar allaỽr gyssegredic ony chredir heb y|thỽg.
neu ony wedir cỽbyl yn|y herbyn. Teir gor+
mes doeth ynt; meddaỽt. a godineb. a dryc
anyan. Tri dyn a dyly tauotyaỽc yn llys
y gan y brenhin. Gỽreic. ac all ut. ac aghyf+