Breudwd Rhyddiaith Gymraeg 1300-1425
English

LlGC Llsgr. Peniarth 31 – tudalen 30r

Llyfr Blegywryd

30r

tir y gan eu brodyr vn vam vn tat ac ỽynt.
Mab a gaffer yn llỽyn ac ym perth ac yn an+
deduaỽl. A guedy hynny kymryt y vam o rod
kenedyl. a chaffel mab arall. ny dyly hỽnnỽ
kyfran·nu tir ar mab a gahat kyn noc ef. yn
llỽyn ac ym perth. Yr eil yỽ kymryt o yscol+
heic wreic o rod kenedyl. A chaffel mab oho+
nei. Ac odyna kymryt o|r yscolheic urdeu ef+
feiradaeth. Ac odyna kaffel mab o|r vn wre+
ic o|r effeirat. ny dyly y mab a gahat kyn noc
ef kyfrannu tir a hỽnnỽ; kanys yn erbyn
dedyf y kahat. Trydyd yỽ mỽt. kany dyly
tir neb  attepo drostaỽ. kany rodir gỽ+
lat y uut.
TRi dyn a gynhyd eu breint yn vn dyd;
tayaỽctref y kyssecrer eglỽys yndi
gan ganhat y brenhin. dyn o|r tref honno a
vei y bore yn tayaỽc ar nos honno yn ỽr ryd.
Eil yỽ y dyn y rodho y brenhin vn o|r pedeir
sỽyd ar|hugeint llys breinhyaỽl idaỽ. kyn
rodi y sỽyd idaỽ yn tayaỽc. A guedy y rodi yn
ỽr ryd. Trydyd yỽ yscolheic y dyd y caffo corun
yn vab tayaỽc. ar nos honno yn ỽr ryd.
TRi gwerth kyfreith beichogi gỽreic