Breudwd Rhyddiaith Gymraeg 1300-1425
English

LlGC Llsgr. Peniarth 31 – tudalen 26r

Llyfr Blegywryd

26r

mach yn uyỽ; dyget y mach y uechni yn gyffe+
lyb y hynny gan tygu e|hunan ar ved y kynno+
gyn. Ac yna y teir ach nessaf yr talaỽdyr a|e
talant y dylyet. onyt enwis y kynnogyn gy+
myn tros y dylyet. Kyt dycco mach y vech+
niaeth yn erbyn llỽ y arglỽyd; ny chyll yr
hynny na dirỽy na chamlỽrỽ o gyfreith. Ny
dyly neb rodi alltut yn vach. na|r neb a uo ka+
darnach noc ef. na mynach heb ganhat y a+
bat. nac yscolheic yscol heb canhat y athro.
na gỽreic onyt arglỽydes y talaỽdyr uyd. na
mab heb canhat y tat tra dylyho uot drostaỽ.
kyt el y rei hynny yn veicheu; ny dylyir kym+
hell mechni neb o·honunt Tri lle yd ymdiue+
icha mach kyuadef am dylyet aghyfadef;
vn yỽ o diwat o|r talaỽdyr y mach. Eil yỽ y gaf+
fael tystolyaeth o vn o|r kynnogyn ar y gilyd
trỽy ymhaỽl yn llys. Trydyd yỽ o lyssu o vn
tyston y gilyd myỽn llys. Tri pheth ny hen+
ynt o uechni; agheu. a|chleuyt. a|charchar.
Tri ryỽ dirỽy yssyd. vn o ymlad. arall o
treis. tryded o letrat. Deudyblyc uyd dirỽy
yn llys ac yn llan os mam eglỽys ac uchell+
aỽc uyd. O ymlad a ỽnelher o uyỽn y myn+