Breudwd Rhyddiaith Gymraeg 1300-1425
English

LlGC Llsgr. Peniarth 31 – tudalen 25r

Llyfr Blegywryd

25r

theb idaỽ. Heuyt o|r dyry y mach ffyd yr dylyaỽdyr
ar gymhell y dylyet idaỽ; ef a dyly gỽrtheb idaỽ o|r
dylyet oll. kyny chymerho ffyd y talaỽdyr. Gỽe+
dy del oet dyd talu; y mach a dyly oet dyd y gyfarch
y talaỽdyr. Oet mach y paratoi tal vn dyd ac ỽ+
ythnos o|r byd reit idaỽ talu. O teir fford yd oet+
ir mach a|chynnogyn. o glybot corn y brenhin
yn mynet yn lluyd. ac o haỽl treis. ac o haỽl let+
rat. Teir meuelỽryaeth mach yssyd; guadu y
vechni ac ef yn vach. Ac adef y vechni ac na all+
ho y chymhell. A diebryt mach guedy roder.
Mach a dyl* dỽyn gauael gyt ar dylyaỽdyr hyt
yn diogel. neu talet e|hunan. Na chymerher ga+
uael y talaỽdyr o·nyt y mach a|e dyry. Kyt el y
mach tros talu; na thalet hyny pallo y talaỽdyr.
Ny byd palledic y talaỽdyr; tra sauo ỽrth gyfreith.
kyny bo idaỽ namyn tri thudedyn. ef a dyly talu
y deu a chynhal y trydyd ym pop amser. Mach a
watto y vechni; guadet ar y seithuet o|r dynyon
nessaf o|e werth. Ac os bri duỽ a watta; e|hunan
a tỽng ar seith allaỽr gyssecgredic neu seith
weith ar vn allaỽr. Os talaỽdyr a diwat y
mach; guadet ar y seithuet o|r dynyon nessaf
o|e werth. Os mach a watta ran o|e vechni ac