Breudwd Rhyddiaith Gymraeg 1300-1425
English

LlGC Llsgr. Peniarth 31 – tudalen 1v

Llyfr Blegywryd

1v

tri llyfyr kyfreith. Vn ỽrth y llys peunydaỽl press+
yl y gyt ac ef. Arall y lys dinefỽr. Y trydyd y lys aber+
ffraỽ. megys y kaffei teir ran gymry. Gỽ yned. powys.
Deheubarth aỽdurdaỽt kyfreith yn eu  plith ỽrth
eu reit yn wastat ac yn paraỽt. Ac  gyghor y do+
ython hynny rei o|r hen gyfreitheu a|gynhalyỽyt.
Ereill a wellaỽyt. Ereill a dileỽyt o gỽbyl. Ac a
ossodet kyfreitheu newyd yn eu lle. Ac yna y ky+
hoydes y kyfreitheu yr pobyl yn gỽbyl. Ac y kat+
darnhaaỽd y haỽdurdaỽt udunt ar y gyfreith hon+
no. Ac y dodet emelldith duỽ ar eidaỽ ynteu ac vn
gymry oll ar y neb ny|s kattwei rac llaỽ megys y
gossodet o·ny ellit y gwellau o gyfundeb gỽlat ac
arglỽyd.
KYntaf y dechreuis y brenhin kyfreitheu y
llys peunydaỽl. Ac o|r dechreu y gossodes pet+
war sỽydaỽc ar|hugeint yn|y llys. nyt amgen.
Penteulu. Offeirat teulu. Distein. Ygnat
llys. Hebogyd. Pen guastraỽt. Pen kynyd.
Gwas ystauell. Distein brenhines. Offeirat
brenhines. Bard teulu. Gostegỽr llys. Dryss+
aỽr neuad. Dryssaỽr ystauell. Morỽyn ystaf+
ell. Gwastraỽt afỽyn. Canhỽyllyd. Troyt+
aỽc. Trullyat. Medyd. Sỽydỽr llys. Coc.