Breudwd Rhyddiaith Gymraeg 1300-1425
English

LlGC Llsgr. Peniarth 31 – tudalen 17v

Llyfr Blegywryd

17v

ded fford yỽ; braỽ·dỽr bieu doosparth y rỽng
deu dyn yn kyghaỽs am y varn a rodassei
udunt. heb ym·ỽystlaỽ ac ef. Tri ryỽ vanac
yssyd; ac am pop vn o·honunt y gossodir reith
gỽlat ar dyn am letrat. Vn yỽ dyuot colledic
a|managỽr gyt ac ef a tygho yn erbyn arall
clybot a gỽybot arnaỽ y lletrat. Eil yỽ tygu
o|r managỽr gỽelet a gỽybot arnaỽ y lletrat.
A hỽnnỽ a elwir lliỽ. Trydyd yỽ lludyaỽ rac
dyn keissaỽ da a gollassaei yn|y lle y typpyo y
uot. Ny dyly neb rodi reith gỽlat am letrat
heb vn o|r manageu hynny yn|y erbyn; onyt
pallu a wna o lỽ gueilyd y goledic*. O|r palla;
nyt reit manac arnaỽ namyn hynny y gym+
hell reith gỽlat y gantaỽ. O|r diwedir haỽl a
defnydyer o amraual achỽyson; trỽy vn reith
a perthyno ỽrth yr achaỽs mỽyhaf y guedir
yr haỽl oll. kanys pop vn haỽl vn reith a dy+
ly yny guatter. Pỽy bynhac o|r kynhenusson
yn llys a el yn erbyn datcan braỽdỽr kyn ba+
rn. ef a dyly caffel cof llys. y·rydaỽ ac ef kyn
barno dim. Tri pheth a dyly braỽdỽr y dat+
canu pan barnho; haỽl. ac atteb a barn.
Tri mod y kyll braỽdỽr camlỽrỽ o varnu