Breudwd Rhyddiaith Gymraeg 1300-1425
English

LlGC Llsgr. Peniarth 20 – tudalen 298

Brut y Tywysogion

298

1

Anno.v. y daeth y bren+
hynes ac edward y 
mab a jarlles warant
hyt em baris en gany+
hadev y gan vrenhyn
lloegyr at brenhyn 
freync. ar nodolic hon+
no y doeth jarll warant
o vordeos.
Anno.vi. difiew nes+
saf gwedi dyw gwyl
mihangel y doeth y
brenhynes. a|y mab. a
jarl* kent. a rosser mor+
tymer. a brawd jarll
hynawt y dir lloigyr
en seynt Edmundes bu+
rie. ac odena kyrchu
llvndeyn a wnaethant.
ac y doeth y brenhyn
tu a morgannwc. a
dyw gwyl luc euegyl+
ywr y delijt jarll aron+
del gan vordeiseit am+
withic en y vanachloc.

2

dyw sul nessaf kyn
gwil seynt Symond
a Jude y foas y bren+
hyn a sire hyw ieu+
wang drwy hafren
y vorganwc o vruste.
ac yno y delijt sire 
hyw hen ac y llusgw+
yt ef. A thrannoeth
y dyw gwil seynt ed+
munde archescop y|llas
Jarl* arwndel en hen+
ford. a|thrannoeth y
dyw gwil seynt Cle+
ment pab y llusgwit
sire hyw jeuwang.
a sym redyges en hen+
fort. ac y ducpwyt
y brenhyn yn garch+
arawr ganthwynt.
a dyw gwil veir sant
freit nessaf y hyny
y coronhawt y vab
en vrenhyn. trydyt
edward oed hvnnw.