Breudwd Rhyddiaith Gymraeg 1300-1425
English

LlGC Llsgr. Peniarth 190 – tudalen 8

Ystoria Lucidar

8

o|r engylyon. a|r|decuet o|r dynyon. discipulus Paham
y gỽnaeth ef y naỽ o|r engylyon. Magister O achaỽs
y|drindaỽt. Kanys yn|y naỽ y|byd tri deir
gỽeith. a|dyn o vn rad o achaỽs vnolder. me+
gys yd adoler ef yn vn ac yn|dri y gan yr
engylyon. a|r dynyon. discipulus Paham nat o|r eng+
ylyon e|hun y gỽnaeth ef rif y etholedigeon.
discipulus Deu ryỽ natur yn bennaf a|wnaeth duỽ.
vn ysprytaỽl ac araỻ corforaỽl. Sef y myn+
naỽd ef y bop vn y voli. nyt amgen o|r ys+
prydaỽl Megys o|r engylyon. pan|dywetpỽyt
Bit y goleuni. ac y gỽnaethpỽyt y goleuni.
discipulus A dywaỽt duỽ hynny o eireu. Magister Nac ef. na+
myn trỽy y geireu hynny y dangossir. eu
goruchel natur ỽy ynni. am eu galỽ yn oleu+
ni. discipulus Pa natur yỽ vn yr engylyon. Magister Tan ys+
prydaỽl. megys y dywedir. Ef a|wnaeth yr
engylyon o fflam dan. discipulus A oes enweu y vi+
hangel. a|gabriel. a Raphael. Magister.|Ys mỽy y
maent ỻyssenweu. kanys o damchwein y
gelwis dynyon ỽynt velly. Ac nyt oes briaỽt