Breudwd Rhyddiaith Gymraeg 1300-1425
English

LlGC Llsgr. Peniarth 190 – tudalen 79

Ystoria Lucidar

79

poeneu a|obrynynt. discipulus Pa boen a vyd ar
y|rei bychein. Magister|Tywyỻỽch e|hun. discipulus A|ar+
gyweda dim y|r rei bychein o|e geni o
gam·welyeu. megys o buteinrỽyd. neu o
garesseu. neu o dynyon creuyd. Magister|Nac
argyweda dim o|r kaffant vedyd. mwy
noc y|r gỽenith a dyckit yn ỻedrat a|e
heu o leidyr. discipulus A argyweda pechodeu eu
rieni y|r meibyon. neu bechodeu y meiby+
on y|r rieni. Magister|Ysgriuennedic yỽ. nyt ar+
gyweda y|r tat yn·vytrỽyd y mab. nac y|r
mab enwired y tat. o·ny chytsynnyant
baỽp o·nadunt a|e gilyd. megys nat ar+
gywedaỽd y Josuas bot y dat gynt yn
drỽc kynnoc ef. na|e vab yn da wedy ef.
kanny chytsynnyassant. kanys o chyt+
synnya y rieni a|r plant. a|r meibyon a|r
rieni am eu drỽc e|hunein. yna yd aant
yng|kyuyrgoỻ. discipulus Ae gorthrỽm priodas
cares. Magister Nac ef herỽyd anyan. herỽyd
hagen gossot yr eglỽys maỽr yỽ. discipulus Pa