LlGC Llsgr. Peniarth 190 – tudalen 58
Ystoria Lucidar
58
ryanneu hynny y purha ef ỻestri eureit
y|r brenhin nefaỽl. sef yỽ hynny yr|etholedi+
gyon. y rei a|atnewyda ef drỽy y purdan
ar lun duỽ. Y rei drỽc a poena ynteu mal
y poena y gelyn y|ỻaỻ. ac ueỻy y gỽassan+
aetha diaỽl y duỽ discipulus Pa|delỽ y gỽassanae*
y aelodeu ef y|r rei etholedigyon. Magister|Pan y
dyckont y|r deyrnas drỽy anhyed. neu ỽr+
thỽyneb. drỽy anhyed gan geissaỽ eu
bỽrỽ yng|kyueilyorn. yn rith ỻes. a hynny
drỽy dỽyỻ. ac yna y byd kadarnach y rei
da yn sefyỻ yn eu ffyd. Odyna drỽy ỽrthỽ+
ynebed gan dỽyn y ganthunt yr hynn
y maen yn|y garu yn vỽy no iaỽnder. a chan
eu gostỽng na wnelont damunet eu
knaỽt o gỽbyl. ac ueỻy yd ant y|nef drỽy
odef govit y gan y rei drỽc. discipulus Paham y
byd kyuoethaỽc y rei drỽc yman. a iach
a|chadarn. ac yng|gỽrthỽyneb y hynny
y rei da yn eissywedic. a|r rei drỽc yn eu
gostỽng. a heint. a|dolur yn|y govidyaỽ.
| « p 57 | p 59 » |