Breudwd Rhyddiaith Gymraeg 1300-1425
English

LlGC Llsgr. Peniarth 190 – tudalen 259

Penityas

259

mei hynny. Yr amgylchyon ynt y rei hynn.
Oet. vrdas. Gỽybot Rif. ỻe. amser. Kynnedyf.
Trigyan. amylder. achaỽs. amod. ac ef a|bech+
a dyn ny wnel yr hynn a dylyo y wneuthur.
Pob dyn yssyd rỽymedic y orchymyn yr ar+
glỽyd duỽ ar gadỽ y gorchymynneu moes+
saỽl. o seith weithret y|drugared. o vynet dros
y rei yd ymliwir yn|y vraỽt. Heuyt o ossot
yr eglỽys a|r glan dadeu y mae rỽymedic
dyn y gadỽ ac y anrydedu y dydyeu uchel.
a|gỽyleu y seint yn|yr eglỽys. Heuyt y|r yscol+
heigyon o gymryt urdeu. o|r bydant dan vrd+
eu kyssegredic ỽynt a|dylyant kadỽ diweirdeb
a|dywedut eu horyeu canhỽynaỽl. a|e gỽaran+
daỽ a|r ryỽ betheu hynny. ac ef a|dichaỽn
dyn bechu drỽy bop rei o|e aelodeu. a|e synhỽy+
reu. Drỽy y lygeit y pecha dyn ot edrych ar
betheu dybryt o|e|digrifhau. neu betheu gỽa+
hardedic idaỽ. Megys edrych ar garaỽl ac
edrychuaeu ereiỻ. ny beynt ganyadedic idaỽ.
Ef a|becha dyn drỽy y glusteu. megys o|r gỽa  ̷+