Breudwd Rhyddiaith Gymraeg 1300-1425
English

LlGC Llsgr. Peniarth 190 – tudalen 239

Penityas

239

ae gỽreic. Jeuangk ae hen. bonhedic ae
anuonhedic. Ryd ae kaeth. y+|n·heilyng
daỽt ae yng|gỽassanaeth. Jach o vedỽl
ae ynvyt. Gỽybodus ae anwybodus.
Ryd ae ym priodas. claỽstraỽl ae bydaỽl.
ysgolheyc ae ỻeyc. Kanys seint awstin
a dyweit. Kymeint a|wna y|offeiryat
medỽl angkanyadedic an·osparthus. ac
y leyc y odineb. ygyt a|hynny gỽybot
ae kar idaỽ ae kyfnessaf. ae estraỽn. ae
cristaỽn. ae a|adawo y ffyd. aJdeỽ ae pa+
gan. a|r ryỽ betheu hynny. Pa beth.
nyt amgen. a wnaeth pechaỽt gyt a ryd
neu rỽymedic. ac a|ladaỽd gelein o|e vod
neu o damchwein. a|r ryỽ betheu hynny.
ac a|wnaeth bechaỽt afreolus. ae vn
kymhedraỽl ae vn bychan. ac o|r bu dir+
geledic neu damỻywedic neu hen. neu
newyd. Pa le. nyt amgen. ae yn ỻe kysse+
gredic ae yn ỻe angkyssegredic. sef yỽ hyn+
ny ae yn ty duỽ. ae yn ỻe araỻ. Drỽy