Breudwd Rhyddiaith Gymraeg 1300-1425
English

LlGC Llsgr. Peniarth 190 – tudalen 237

Penityas

237

yn ysprydaỽl vot yn direod* o wybodeu
kanys reit yỽ idaỽ wybot ac adnabot
beth a|dylyo y varnu. Kanys braỽdaỽl
vedyant a deissyf hynny yny vetro ef
dosparthu beth a|dylyo y varnu. wrth
hynny gystic amovynnỽr a chywreint
olreat. amovynnet yn doeth ac yn gaỻ
a|r pechadur y peth a·gatuyd ny|s atw+
aen neu beth a vynno y gelu o|e gewi+
lyd a|e datkan yny adnapo ef y gared.
Na phetrusset ef gouyn y ỻe a|r amser
a|r ryỽ betheu hynny. a|gỽedy yd adna+
po ef y rei hynny. bit hygar a pha+
raỽt y dyrchafel ac y arwein y veich
gyt a|r pechadur. a bit velys y ymadra+
ỽd. a|gỽar y ewyỻys a dosparthus yng
cared araỻ. a|chanhorthỽyet ef y neb
a vo yn kyffessu drỽy wedieu ac alus+
senneu a phetheu ereiỻ da drostaỽ.
drỽy y gynghori   ac adaỽ gobeith
idaỽ. ac o|r byd reit gan y angkreifftyaỽ.