Breudwd Rhyddiaith Gymraeg 1300-1425
English

LlGC Llsgr. Peniarth 190 – tudalen 218

Ymborth yr Enaid

218

ac yna o|r daỽ cof ytt rac per|digrifỽch
yr hun honno galỽ o|th serchaỽl vryt ar
~ Jessu yn|dy vedỽl. kynny eỻych y dyw+
edut. Ac yna o|r gỽely dybygy di dyby+
gy di dy vot yn kaffel yn|yr hun honno
hun araỻ dri·brỽyt. a vo perach ac araf+
ach y·gyt a|r rei ereiỻ. Yna ymdyro oỻ.
y|r yspryt glan. a|r weledigaeth a|welych
yn honno. kywir vyd. kanys y gan yr
yspryt glan y daỽ. ac nyt reit y mene+
gi y neb onyt y gyfrinachus gedymde+
ith o gredyfwr. na bocsachu am·danei.
rac na del yr eilweith. a|r hun honno a|elw+
ir hun vudugaỽl. Kanys budugaỽl yỽ
y chaffel. a budugaỽl yỽ y neb a|e caffo.
Yr amser pennaf y dylyych y cheissaỽ
yỽ duỽ sadỽrn wedy hanner nos. Yn lut
ar y dyd. neu yng|kyfrỽng y nos a|r
dyd. wedy ry ymbaratoych kynno hynny
o vnpryt a gỽedieu duỽ gỽener. a duỽ
sadỽrn. a thrỽy lan gyffes ym·rodi y|r