Breudwd Rhyddiaith Gymraeg 1300-1425
English

LlGC Llsgr. Peniarth 190 – tudalen 211

Ymborth yr Enaid

211

corff oỻ. Sef yỽ hỽnnỽ. kyflad neu gyhỽrd.
Ac nyt ryued y greaỽdyr y pump synnỽyr
eu kyflenwi o|e|radeu ef. Ac yna y syrthy+
aỽd y braỽt geyr bronn yr eur·vab yn|y
varỽ·lewyc. o|dra annỽylserch garyat ar
y dwywaỽl·uab hỽnnỽ. A|e gyfodi yn dru+
garaỽc a|oruc yr aduỽynuab. a|dywedut
ỽrthaỽ. Kyfot a char vi beỻach. yn gym+
eint ac y geỻych vỽyaf. Och arglỽyd
heb y braỽt. nyt oes diolỽch ym yr dy ga+
ru. kanys nyt oed neb o|r a|th|welei ar
ny|th garei. Oes heb ef. kanys nyt ym+
dangossỽn ytt onyt yr vy|ngharu ohonat.
ac ny chery di vyui yn gymeint ac y kar+
af|i dydi. Ac etto ny weleist di vyui yn gỽ+
byl. a phan ym gỽelych. ti a|m kery yn am+
gen ystyr. A manac y|r prydyon* y rei y
rodeis i udunt ỽy gyfran o yspryt vyn
digrifỽch i. mae iaỽnach oed udunt ym+
choelut y|r yspryt hỽnnỽ y|m moli i. noc
y ganmaỽl ynvytserch a|gorwagyon beth  ̷ ̷+
[ eu trangedigyon
[ amseraỽl.