Breudwd Rhyddiaith Gymraeg 1300-1425
English

LlGC Llsgr. Peniarth 190 – tudalen 190

Ymborth yr Enaid

190

duỽ e|hun. ac na charer neb o gyfyaỽn
garyat namyn ef neu a dylyer y garu
yr y garyat ef. O hoỻ nerth. Sef yỽ
hynny yn gadarn. hyt na bo neb·ryỽ
beth a|aỻo dy wahanu y ỽrth garyat
duỽ. O|hoỻ vedỽl. Sef yỽ hynny. yn
gadarn. hyt nat el dros gof gennyt vyth
y garyat ef. namyn kynnal yn dy gof
na|cherych neb·ryỽ beth yn vỽy noc ef.
Caru dy gyfnessaf a|dylyy yn gymeint
a|thi dy hun. Sef yỽ hynny na ry·buchych
idaỽ drỽc ac na mynnych mỽy noc ytt
dy|hun. ac a vynnut y ry·buchaỽ ytt di
hun. y vynnu idaỽ ynteu. ac na|ettych ar+
naỽ ormod waỻ nac eisseu mỽy noc ar+
nat dy hun. hyt y geỻych yn|gyfyaỽn y
amdiffyn. megys nat ymlycrych dy hun
yn ormod o|e garu ef yn vỽy no thi dy
hun. hyt na ettych dim ar dy helỽ y ach+
ub dy anghenn dy hun. heb y rodi ỽrth
y anghenn ef. kanys ny dylyy di garu