Breudwd Rhyddiaith Gymraeg 1300-1425
English

LlGC Llsgr. Peniarth 190 – tudalen 178

Ymborth yr Enaid

178

a|notteynt ym·garu. Kynnen yỽ. sarhaet
ar eireu megys ym·chỽyrnu. Sarhaet
yỽ. gỽneuthur cam ac araỻ ar eir neu
weithret yn anghyfreithaỽl. Ymchỽydaỽ
yỽ. ymsarhau drỽy ymserthu. ar eireu
codedigyon. Anodef yỽ. anwahard ter+
vysgus wyỻtineb medỽl heb y|dofi. Ymser  ̷+
thu yỽ. ymdorri drỽy deissyfyt gyffro me  ̷+
dỽl y|myỽn an·aduỽynyon ymadrodyon
serthyon. Maỽrdryged yỽ. dicheỻus ystryỽ
y goỻedu araỻ. Enwired yỽ. beidyaỽ o
dyn drỽy drudanyaeth gỽneuthur drỽc y
araỻ kynny|s gaỻo. Dryc·ewyỻys yỽ; ry+
buchaỽ drỽc y araỻ kynny aỻer ar weithret.
Kyndared yỽ. coỻi synhỽyr o|draỻit. Ter+
vysc neu gynnỽryf yỽ. an·wastatrỽyd ỻi+
thredic gnaỽdolyaeth a|del o vrefolyaeth
medỽl. Dryc·anyan yỽ. ardangos ar wy+
neb ac ymdygyat gỽarthaedic chỽerỽder
marỽolyaeth medỽl. ofrudyaeth yỽ ke+
ing o irỻoned. a|wneir drỽy weithret megys