Breudwd Rhyddiaith Gymraeg 1300-1425
English

LlGC Llsgr. Peniarth 190 – tudalen 176

Ymborth yr Enaid

176

dirgeledigyon. ymdidaneu kyfrinachus.
a naỽuet yỽ golygon yn mynych edrych
ar vorynyon a|rianed. 
T Raether beỻach am lythineb a|e
geingeu. Glythineb yỽ. anueidra+
ỽl drachwant y vỽyta neu y yfet yn ang+
kymhedraỽl. Deudec yssyd o geingeu
y lythineb. nyt amgen. Ruthni. medda+
ỽt. ffolhaelder. an·ymgynnal. anghyme+
drolder. anghewilyd. gorwac ymadraỽd. an+
niweirdeb. an·aduỽyndra. an·hynaỽster. tor  ̷+
dein. chwyt. Ruthni yỽ. kymryt gormod
bwyt. Meddaỽt yỽ. kymryt gormod diaỽt.
ffolhaelder yỽ diuaỻdrein a|dylyer y rodi.
an·ymgynnal yỽ. raculaenu teruyn gos+
sodedic y gymryt bỽyt neu diaỽt gan tor+
ri vnprytyeu a|ossotto yr eglỽys lan gatho+
lic. Anghymedrolder yỽ. trachỽennychu
gormod bỽyt neu diaỽt. Anghewilyd yỽ.
dywedut croessan eireu angkredyfus. Go+
rwac ymadraỽd yỽ. dywedut geireu gỽam+