Breudwd Rhyddiaith Gymraeg 1300-1425
English

LlGC Llsgr. Peniarth 190 – tudalen 175

Ymborth yr Enaid

175

Seith geing yssyd y aniweirdeb. nyt amgen.
ffyrnigrỽyd. godineb. tra·ỻosgrach. pechaỽt yn
erbyn anyan. dryc·chwant. angkewilyd. pe+
chaỽt ỻỽdyngar. ffyrnigrỽyd yỽ. pob kyt
knaỽdaỽl weithret y maes o|r gỽely priaỽt
Godineb yỽ. kydyaỽ o|wr priaỽt a|gỽreic
araỻ. neu wreic briaỽt a gỽr araỻ. Tra+
ỻosgrach yỽ. pechu ỽrth gar neu gares.
neu gyfathrachdyn o gyfathrach gnaỽt+
aỽl neu ysprydaỽl. Pechaỽt yn erbyn
anyan yỽ goỻỽng dynaỽl hat yn amgen
le no|r ỻe teruynedic y hynny. Dryc·chwant
yỽ. ỻithredic ystyngedigaeth medỽl ar y
wahardedic uedalrỽyd eidunet. Angheỽ+
ilyd yỽ. ardangos aniweirdeb medỽl ar
arỽydon o·dieithyr. Pechaỽt ỻỽdyngar yỽ.
pechu ỽrth ansynwyrolyon aniueilyeit. wyth
pechaỽt yn achỽyssaỽl a ennynnant o odi+
neb neu o aniweirdeb nyt amgen. Seguryt.
bỽytvlyssic. diodyd gỽerthuaỽrussyon. gỽa+
ryeu. cussaneu. Geireu sercholyon. Rodyon