Breudwd Rhyddiaith Gymraeg 1300-1425
English

LlGC Llsgr. Peniarth 190 – tudalen 174

Ymborth yr Enaid

174

dryctyb yn erbyn gỽeithret da a|e gam+
ystyryaỽ. Kyfarsangu da. a chudyaỽ clot
yỽ. kelu ar araỻ y da pan dylyit y vene+
gi. Drycdychymic yỽ. gyrru neu dych+
ymygu ar araỻ newyd ogan yn gelwyd+
aỽc. Digassed yỽ. anvynnu ỻes neu dam+
chweint da y araỻ. Anghywirdeb yỽ. an+
niolỽch y|da y araỻ. Chwerỽed yỽ. gỽen+
ỽyngar diffeith vedỽl dirrann o|lewenyd.
Gwattwar yỽ. keỻweirus lewenyd. drỽy di+
gassaỽc digrifỽch anghymhedraỽl y dre+
mygu araỻ. Kuhud yỽ. menegi gỽyt
neu dyỽc ar araỻ geyr bronn braỽtỽr
ỽrth y goỻedu. Cas yỽ angkaru araỻ
o rybuchaỽ drỽc idaỽ. Annuundeb yỽ
cassau araỻ. hyt na mynner bot yn vn
ac ef ar neb·ryỽ beth. 
T Raether weithyon am aniweir+
deb a|e geingeu. aniweirdeb yỽ
ỻithredic wyỻtineb syrthedic. a medỽl y
myỽn budryon a|halogyon gnaỽdolyon
eidunedeu.