Breudwd Rhyddiaith Gymraeg 1300-1425
English

LlGC Llsgr. Peniarth 190 – tudalen 171

Ymborth yr Enaid

171

neu glotorwac yỽ. gwydyus oruoled am
gampeu ny bont arnaỽ. neu am y rei a
vont gan y ganmaỽl e|hun heb rodi
molyant y duỽ amdanunt. 
T Raether beỻach am angawrdeb
a|e geingeu. Angaỽrdeb yỽ tra+
gormod chwant o drachebydyaeth y
gynnuỻaỽ da bydaỽl. heb diarbot pa
wed y kaffer. a|e gynnal yn amperffeith
heb rodi y gormodyon y|r tlodyon yr duỽ.
vn geing ar|bymthec yssyd y angaỽrdeb
nyt amgen. Sẏmoneaeth vsur. herỽry+
aeth. anudon. ỻedrat. kelwyd. treis. ang+
hyuarch. anorffowys. kam·varn. drut+
annyaeth. tỽyỻ. brat. falsed. ymoỻỽng.
kamwed. Sẏmonyaeth yỽ. prynu neu
werthu peth|ysprydaỽl. neu berthynas
idaỽ. Vsur yỽ. kymryt mỽy no dylyet gan
werthu yr amser. edrat yỽ. kymryt da
araỻ heb wybot y|r perchennaỽc. Herỽr+
yaeth yỽ. cribdeilyaỽ da araỻ yn|dirgel.