Breudwd Rhyddiaith Gymraeg 1300-1425
English

LlGC Llsgr. Peniarth 190 – tudalen 147

Ystoria Lucidar

147

gogonyant no|r heul. a ỻyna pa ryỽ degỽch
yỽ vn y seint. discipulus O vuander y seint. Magister Bu+
ander assael ỻesged maỽr a|hỽyrdra vydei
hynny yno. kanys kyn vuanet vydant ỽy
ac y tywynna paladyr yr heul o|r dỽyrein y|r
gorỻewin. neu|o|r gorỻewin y|r dỽyrein drach+
evyn. neu y gaỻo ỻygat edrych y|r awyr y
vyny. kyn ebrỽydet a hynny y|dichaỽn
y seint vynet o|r daear hyt yng|goruchel+
der nef. ac o|r nef drachevyn hyt y daear.
a hynny a|dichaỽn y|r|engylyon y wneuthur
ac ỽynteu a|vydant gyffelyb y|r engylyon.
a ỻyna y ryỽ vuander yỽ vn y seint. discipulus O
gedernyt y seint. Magister Kedernyt sampson a
vydei wander. kanys kyn|gadarnet vyd+
ant ac y gaỻynt ymchoelut y daear a
blaen eu|troet pei as|mynnynt. ac yn
gy haỽdet udunt wneuthur hynny a
phop peth ac edrych yr aỽr honn. ac nac
amheuet neb gaỻu o|r seint a|r engylyon
hynny. a|r seint a|vydant yna gyffelyb
y|r engylyon. a ỻyna y ryỽ gedernyt yỽ vn