Breudwd Rhyddiaith Gymraeg 1300-1425
English

LlGC Llsgr. Peniarth 190 – tudalen 133

Ystoria Lucidar

133

araỻ o|r rei gỽirion a|wneir yn iach drỽy y
varn. Y dryded o|r rei ennwir a|ant y|nghy+
vyrgoỻ heb varn. a|r|bedwared o|r rei drỽc a
ant y|nghyvyrgoỻ drỽy varn. discipulus Pỽy ynt y|rei
a|varnant. Magister|Yr ebystyl a|r merthyri a|r myne+
ich a|r gỽerydon. discipulus|Pa|delỽ y barnant ỽy y
rei gỽirion. Magister|Dangos a|wnant bot o+
honunt ỽrth eu dysc a|e hangreifft. ac ỽrth
hynny teilỽng ynt y|r deyrnas. discipulus Pỽy ynt
y rei a vernir. Magister Y rei a|wnaethant weith+
redoed y drugared yn|y deduolaf briodas.
neu a brynassant eu pechodeu o benyt ac
alussenneu. ỽrth y rei hynny y dywedir. Deu+
ỽch chỽi y rei bendigedic y deyrnas vyn
tat i. kanys pan vu newyn arnaf. chỽi a
rodassaỽch ym vỽyt. ac ueỻy y rif ef hoỻ
weithredoed y drugared. discipulus A dywedir hynny
o sein geireu. Magister Pan vo crist yno yn ymdan+
gos yn dyn. ac ỽynteu yn eu kyrff yn sef+
yỻ. ef a|eỻir credu mae geireu a vyd yno. a
chyt bo amlỽc y baỽp drỽy pa obrỽy y kyvyr+
goỻir. neu yd yacheir. drỽy y geireu hynny