Breudwd Rhyddiaith Gymraeg 1300-1425
English

LlGC Llsgr. Peniarth 190 – tudalen 100

Ystoria Lucidar

100

dieuyl yn pregethu y dynyon yn wastat. Magister
Byd aneiryf o·nadunt yngkyueir pob gỽyt
yn tynnu yr|eneidyeu yn wastat ar eireu ang+
hennadedic. ac yn menegi o|e tywyssaỽc dry+
geu y dynyon. y·dan chwerthin a gỽattwar.
a phỽy|bynnac o·nadunt y gorffo gwirion ar+
naỽ. angel y gỽirion hỽnnỽ a|e bỽrỽ ynteu
yng|gwaelaỽt uffern yng|karchar. ac ny edir
ef vyth odyno o hynny aỻan y amrysson a
neb o|r seint. a|e tywyssaỽc ỽynteu a|dyry vn
araỻ yn|ỻe hỽnnỽ. ac megys y bỽrywyt dyn o
baradwys am oruot o|r|diaỽl arnaỽ. veỻy y
byrir diaỽl yng|karchar uffernaỽl pan orffo
vn o|r seint arnaỽ. discipulus A aỻant ỽy wneuthur af+
lonydỽch y|r neb a vynnont. Magister Ny aỻant ỽy
uynet ym·plith y genuein voch. o·ny bei y
genhadu o duỽ udunt. a chorff dyn drỽy vedyd
yssyd demyl y|r yspryt glan. gỽedy y gysse+
gru o oleỽ kyssegredic. a|chrisma. Megys y dyỽ+
edir. Temyl duỽ glan yỽ yr|hynn yttyỽch chỽi.
ỽrth hynny ef a|vyd yn kyuanhedu y demyl
honn yn wastat ae yspryt glan. ae vn aflan.