Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 95r

Brut y Brenhinoedd

95r

425

dychaỽd gỽedy arthur. Deu
uab a vu y vaelgỽn. Run ac
einaỽn. Y Run y bu vab beli. Y
veli y bu uab Jago. Y Jago y
bu uab katuan vyn|tat i. Ei+
naỽn gỽedy marỽ vyn tat i
a|e vraỽt ynteu. a|deholet o ry+
uel y saeson ac y doeth hyt y
wlat honn. ac y dodes y verch
y howel brenhin y wlat honn
uab howel uab emyr ỻydaỽ. y
y* gỽr a|oresgynnaỽd y teyrnas+
soed ygyt ac arthur. ac o hỽn+
nỽ y ganet alan. o alan hoỽel
dy dat titheu. y gỽr hyt tra
vu vyỽ a|dyborthei yn vỽyaf
o|r tywyssogyon y hoỻ freingk
ofyn yn wastat.  ~ ~ ~ ~ ~ ~
A C yno y·gyt a selyf y
gaeaf hỽnnỽ y bu gatw+
allaỽn. ac o|e kyt·gyghor y
goỻygassant vreint hir y
ynys brydein y geissyaỽ os
kanhattei duỽ idaỽ o neb·ryỽ
ford kaffel llad dewin etwin
rac ỻesteiryaỽ o·honaỽ o|e
genefodic keluydyt y gatw+
aỻaỽn dyuot y|r tir. A|gỽedy
dyuot breint y borth ham+
ỽnt y|r tir. ef a|gymerth gỽisc
reidus ymdanaỽ. ac yn rith
aghenaỽc kerdet. a pheri gỽ+
neuthur bagyl haearn yn
vlaenllym idaỽ a|r honn o|r
damchweinei idaỽ kaffel kyf+

426

fur y lladei ynteu y dewin. Ac
odyna y kerdaỽd breint parth
a chaer efraỽc. kanys yno yn
yr amser hỽnnỽ yd oed y dew+
in y·gyt ac etwin. ac ual y do  ̷+
eth y|r|dref ymgymysgu a|r
reidusson a|oruc y rei a|oedynt
yn aros alussen ym|porth ỻys
y brenhin. ac ual yd oed vre+
int yn treiglaỽ ymplith y
reidusson. nachaf chwaer i+
daỽ yn|dyuot aỻan o|r ỻys a
phaeol yn|y ỻaỽ yn kyrchu
dỽfyr y|r vrenhines. a honno
a|dugassei etwin o gaer wy+
ragon ganthaỽ. gỽedy dehol
kadwaỻaỽn. a phan yttoed
honno yn kerdet heb·laỽ bre+
int. adnabot y chwaer a|oruc
ac wylaỽ. ac yn issel galỽ ar+
nei. ac y·sef a|oruc hitheu trossi
y hỽyneb attaỽ. ac yn gynntaf
petrussaỽ pỽy oed. A|gỽedy dy+
nessau attaỽ ac adnabot y
braỽt. a megys haeach ỻew+
ygu a|oruc o yrdangk rac ofyn
y adnabot o|e alon a|e daly. A
gwedy karedigyon gussaneu
a|geireu rybuchedic. ar vyr+
der megys yn rith ymadraỽd
araỻ. hi a vanagaỽd idaỽ y
dewin yd oed yn|y geissyaỽ. ac
a vanagaỽd idaỽ ansaỽd y
ỻys. kanys yna y dathoed y
dewin y orymdeith ymplith y