Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 94r

Brut y Brenhinoedd

94r

421

A gỽedy bỽyta y kic o·honaỽ
ỻawenach vu. megys yd oed
ar benn y trydyd dyd yn hoỻ+
Jach. Ac odyna pan gaỽssant
eu rỽyd·wynt kyweiraỽ y ỻog
a|drychafel eu hỽyl a|orugant
gan rỽygaỽ y mor. ac y gaer
gathalet y doethant y dir
ỻydaỽ. ac odyna y doethant
att selyf vrenhin ỻydaỽ. ac yn+
teu a|e haruoỻes ỽynt yn ỻa+
wen hynaỽs. a gỽedy gỽybot
ystyr y neges. ef a edewis kan+
horthỽy ygyt a|r ymadrodyon
D Oluryus yỽ [ hynn.
gennyf|i etholedigyon
wyr Jeueingk. bot gwlat yn
hen·dadeu ni yn gywarsage+
dic y gan agkyfyeith genedyl
saesson. a phaỽb o|r kenedloed
ereiỻ yn amdiffyn ac yn kyn+
hal eu gwladoed. ac aỽch kened+
yl chỽitheu yn ynys mor frỽ+
ythlaỽn a|hi. ac na eỻỽch gỽr+
thỽynebu y|r saesson y rei ny
dodynt yn hen·dadeu ni eiryf
arnadunt. Pan yttoed vyg
kenedyl i kyn eu dyuot y vry+
taen vechan honn yn pressỽ+
ylaỽ ygyt yno. ỽynt a|oedynt
arglỽydi ar yr hoỻ teyrnassoed
yn eu kylch. ac ny aỻaỽd neb
goruot arnadunt ỽy dy·eith+
yr gỽyr ruuein. a|r rei hynny
kyt bydynt rynnaỽd yn|y medu.

422

Eissyoes gỽedy ỻad eu ỻywodron.
ỽynteu a|ỽrthladỽyt yn warat+
wydus o|r ynys. A gỽedy dyuot
Maxen a chynan meiryadaỽc
y|r wlat honn. yr hỽnn a|dri+
gyaỽd yno. ny chaỽssant rat
y gynhal y goron yn wastat.
kyt ry vo rei o dywyssogyon
kadarn yndi. Eissyoes y rei e+
reiỻ a vydynt wannach. a|phan
delynt y rei hynny y coỻynt.
ac ỽrth hynny doluryus yỽ
gennyf|i gỽander aỽch pobyl
chỽi. kanys o|r vn genedyl yd
henym. ac o|r vn enỽ y|n gelwir
ni brytanyeit megys chỽitheu.
ac yd ym ni yn kynhal y wlat
honn rac paỽp oc an gelynyon
o bop parth ynn yn wraỽl.
A  Gỽedy daruot y selyf dyỽ+
edut ueỻy. kewilydhau
a|oruc kadwaỻaỽn a dywedut
ual hynn. Arglỽyd vrenhin
heb ef ganedic o|n hen·dadeu
ni vrenhined. ỻawer o|diolcheu
a|dalaf|i ytti dros y nerth yd ỽyt
ti yn|y adaỽ ymi y geissyaỽ
vyg|kyuoeth drachefyn. yr
hyn a|dywedy bot yn ryued
gennyt nat yttym ni yn ka+
dỽ teilygdaỽt an hen·dadeu ni.
Gỽedy dyuot y brytanyeit
y|r gwladoed hynn. kanys y
bonhedigyon a|r dylyedogyon
a doethant yma ygyt a Maxen