Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 85r

Brut y Brenhinoedd

85r

385

a molyant y|r rei a|delei gỽedy
ỽynt. ac ueỻy yn vynych y gor+
vydynt. a chan oruot y gochel+
ynt agheu. Kanys ny daỽ y neb
namyn y|r neb y gỽelo duỽ. a|r
ansaỽd y mynno duỽ a|r amser
y mynno. ac ỽrth hynny yd ach+
waneckeynt ỽy gyuoeth ruue+
in. a|e molyant ỽy a|e clot a|e
haduỽynder a|e haelder. ac o hyn+
ny y drychefynt ỽynt ac eu
harglỽydiaeth ac eu hetiuedy+
on ar yr hoỻ vyt. Ac ỽrth hyn+
ny gan damunaỽ kyffroi yn+
aỽch chỽitheu y kyfryỽ hỽn+
nỽ yd annogaf|i. yny alwoch
chỽi attaỽch aỽch anyanaỽl
daeoni. ac yny safoch yndi
gan gyrchu aỽch gelynyon ys+
syd yn aỽch aros yn|y dyffryn
hỽnn. gan deissyfeit y gennỽch
aỽch|dylyet. Ac na thebygỽch
chỽi mae rac eu hofyn ỽy y
kyrcheis i y dinas hỽnn. na+
myn o debygu an herlit ni o+
honunt ỽy. ac yn deissyfyt kaf+
fel ohonam aerua diruaỽr y
meint o·honunt. a chanys yn
amgen y gỽnaethant ỽy noc
y tebygassỽn i. Gỽnaỽn ninn+
eu yn amgen noc y tebygant
ỽynteu. Deissyfỽn ỽynt. ac yn
leỽ kyrchỽn ỽynt. a chyt gor+
ffont ỽy. godefỽn ni yn|da y
ruthyr gyntaf y ganthunt. ac

386

veỻy heb amheu ni a|orvydỽn.
Kanys y neb a|safo yn da yn
y ruthyr gyntaf. mynych y
vynet gan vudugolyaeth yn
ỻawer o ymladeu. A gỽedy
daruot idaỽ teruynu yr ym+
adraỽd hỽnnỽ. a|ỻawer o rei
ereiỻ. Paỽp o vn dihewyt a
rodassant eu dỽylaỽ gan dyg+
hu nat ym·adewynt ac ef. Ac
ar vrys gỽisgaỽ ymdanunt
eu harueu. ac adaỽ ỻegrys
a chyrchu y dyffryn y ỻe yd
oed arthur gỽedy ỻunyaethu
y vydinoed. ac yna gossot a|w+
naethant ỽynteu drỽy deudec
bydin o varchogyon a phedyt
yn herỽyd ruueinyaỽl deuaỽt.
a|chwe|gwyr a|thrugeint a|chỽ+
echant a|chỽe|mil ympob by+
din. ac ym·pob vn o·honunt
ỻywyaỽdyr. yny vei o|dysc
hỽnnỽ y kyrchynt ac y kily+
ynt pan vei dylyedus udunt.
ac y gỽrthwynebynt y eu ge+
lynyon. Ac y vn o|r bydinoed
y racdodes ỻes kadeỻ senedwr
o ruuein. ac aliphantina bren+
hin yr yspaen. ac y|r eil. hirta+
cus brenhin parth. a meuric
senedwr. ac y|r dryded bocus
brenhin nidif. a gaius senedỽr.
y|r bedwared. Qỽintus. a Myrr
senedwr. A|r pedeir bydin hynny
a rodet yn|y blaen. ac yn ol y