Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 70r

Brut y Brenhinoedd

70r

285

o cheissynt ludyas y mein. Ac
o|r|diwed ethol pymtheg|mil o
wyr aruaỽc y|r neges o|e heil+
enỽi. ac uthur bendragon yn
dywyssaỽc arnadunt. Myrdin
a|etholet ygyt ac ỽynt yny
vei drỽy y ethrylithyr ef a|e
gyghor y gỽnelit pob peth
yn baraỽt o|r a|oed reit udunt
a|e logeu. ỽynt a aethant y|r
mor a|r gỽynt yn eu hol a|hỽ+
ylyassant hyt yn Jwerdon.
A C yn yr amser hỽnnỽ yd
oed gillamỽri yn vrenhin
yn Jwerdon. gỽas Jeuangk
enryued y glot a|e volyant.
A gỽedy clybot ohonaỽ. disgyn+
nu y brytanyeit yn|y gyuoeth.
kynuỻaỽ ỻu maỽr a|oruc ef
a|dyuot yn eu herbyn. A phan
wybu ystyr y neges chwerth+
in a|oruc. a dywedut ỽrth y
gỽyr a|oed yn|y gylch. Nyt ry+
ued gennyf|i heb ef gaỻu o
genedyl lesc anreithaỽ ynys
prydein. kanys ynvyt ynt y
brytanyeit. Pỽy a|gigleu ei+
ryoet y|ryỽ ynuytrỽyd hỽnn.
ae gỽeỻ kerric o Jwerdon no|r
rei ynys brydein. pan vynnynt
ỽy kyffroi yn|gỽlat ni ar ym+
lad dros y kerric hynn. Gỽisc+
ỽch wyr ych arueu. ac amdif+
fynnỽch aỽch gỽlat. kanys a
myui yn vyỽ ny dygant ỽy y

286

maen ỻeiaf o|r cor. Ac ỽrth
hynny pan weles vthur penn
dragon y gỽydyl yn baraỽt y
ymlad. ar vrys ynteu a|e kyr+
chaỽd ỽynt. ac o|e bryssyedic
vydin heb vn gohir y bryta+
nyeit a rac·oruuant. ac yn|yd
oedynt vriỽedigyon a ỻadedi+
gyon y gỽydyl. ỽynt a gym+
heỻassant gillamỽri ar ffo.
A gỽedy kaffel o|r brytanyeit
y vudugolyaeth ỽynt a aeth+
ant hyt ym mynyd kilara.
ac ỽynt a|gaỽssant y mein
a ỻawenhau a|orugant. ac
enryuedu yn vaỽr. ac odyna
nessau a|oruc myrdin a dyw+
edut ỽrth y niuer a oedynt
yn sefyỻ yno. aruerỽch heb
ef oc aỽch|dewred. a|ch nertho+
ed y diot y mein hynn. A gỽy+
bydỽch ae nerth yssyd drechaf.
ae ynteu ethrylithyr a chyw+
reinrỽyd. ac ar hynny o arch
myrdin ymrodi a|orugant
paỽb o vn vryt drỽy amry+
uaelon dysc y geissyaỽ diot
y mein. Rei a|dodei raffeu.
ereill a thidyeu. Ereiỻ ac yscol+
yon. ac eissyoes ny dygrynoes
hynny o|dim udunt. A gỽedy
diffygyaỽ paỽb a phaỻu eu
nerth yn hoỻaỽl udunt.
chỽerthin a|oruc Myrdin. a
pharatoi y geluydodeu ynteu